image_pdfimage_print

Congresswoman Ditas Ramos nagbisita sa Munisipyo san Irosin

Binisita ni Cong. Ditas Ramos an Munisipyo san Irosin san ika-15 san Nobyembre 2019. Dunagos siya sa opisina ni Meyor Pidoy Cielo para sa courtesy call bag-o nakibagat sa mga personahes san Gobyerno Lokal. Kahampang mismo si Meyor Pidoy Cielo nan magkapira na Department Heads san Gobyerno Lokal san Irosin, pinaabot ni Cong Ramos an personal niya na pagbati dahilan sa pagkakuha san irosin san Seal of Good Local Governance. Nagdara man si Cong. Ramos diyo na regalo para sa Irosin na sabi niya “diyo na pasalubong nan premyo sa pagkakuha san Irosin san SGLG Award”. Maaaraman na tulo sa distrito ni Cong. Ditas Ramos an naka-resibe SGLG — Bulusan, continue reading : Congresswoman Ditas Ramos nagbisita sa Munisipyo san Irosin

Share

Serbisita sa Barangay Monbon kinonduser

Naging eksito an kinonduser na bulan-bulan na Serbisita sa Barangay san ika-14 san Nobyembre 2019 sa Monbon, Irosin.   Base sa talaan, unabot sa 462 na mga taga-Monbon an naserbehan san Gobyerno Lokal san Irosin. An mga serbisyo naihatag paagi san opisina ni Meyor Pidoy Cielo nan san mga personahes san Local Civil Registrar, Treasury, Nutrition Action, Agriculture, Health para sa dental nan medical services, Social Welfare and Development kaopod na an serbisyo para sa mga solo parent, libre na paburog, nan hasta an direkta na serbisyo na inhahatag san Social Security System.   Pareho san mga nakaagi na Serbisita sa Barangay, an medical asin dental services man gihapon an continue reading : Serbisita sa Barangay Monbon kinonduser

Share

Ultimo na inspeksiyon sa Irosin Lake hinimo para sa maabot na Boyscout Jamboree

Sa pangunguna ni Meyor Pidoy Cielo, hinimo an pinaka-ultimo na site inspection san Nobyembre 14, 2019 sa Irosin Lake Area para sa maabot na Southern Luzon Regional Boyscout Jamboree.   Maaaraman na an Irosin Lake Area mao an napili na lugar para sa 9th One Southern Luzon Regional Jamboree na hihimuon sa Pebrero 28 hanggan Marso 3, 2020.   Personal na nagbisita sira BSP Southern Luzon Regional Director Rodolfo Pangilinan, SGL san LOA 19-174 na si Mr. Irvin Ayo, SLR san Los Banos, Laguna na si Mr. Enrique Besenio, nan mga opisyales san BSP Sorsogon Council na pinangunahan nira Mr. Nicanor Bonos nan Mr Roger Napili.   Hinimo an site continue reading : Ultimo na inspeksiyon sa Irosin Lake hinimo para sa maabot na Boyscout Jamboree

Share

BHS Patag pambato sa Search for 2019 Best Performing BHS

Katakod sa ika-18 na anibersaryo san pagkamukna san BIMS-ILHZ SDN, nagkonduser an Health Regulation Sub-Committee san nasabi na ILHZ kan 2019 Search for Best Performing Barangay Health Station. An BIMS ILHZ SDN mao an Bulan-Irosin-Matnog-Santa Magdalena Inter-local Health Zone Service Delivery Network. An Patag Barangay Health Station mao an pambato san Irosin para sa nasabi na paligsahan. Dako an paglaom san konseho san Barangay Patag na pinapamunuan ni Punong Barangay Leonel Gabito kaopod na an mga midwives, Barangay Health Workers, Barangay Nutrition Scholars nan mga taga-Patag, na dakudako an kanira tsansa na ganahon an 2019 Search for Best Performing BHS. Hinimo an ebalwasyon san Patag BHS san ika-13 san Nobyembre continue reading : BHS Patag pambato sa Search for 2019 Best Performing BHS

Share

Gobyerno Lokal san Irosin nagtagama lugar para sa NFA

Inreparo nira Meyor Pidoy Cielo sa Barangay Buenavista an lote na itagama san Gobyerno Lokal para maging permanente na opisina nan bodega san National Food Authority sa Irosin. Kaoropod sa nasabi na pagreparo san Nobyembre 13, 2019 sira Manager Rodrigo Embate nan Operations Officer Edgar Gadbilao san NFA Sorsogon Provincial Office, nan si Municipal Agriculture Officer Nimfa Ferolino san Irosin. Katuyuhan san pagdonar ingod para sa NFA mao an para maging madali sa mga para-oma an pagpabakal san kanira ani na paray. Maaaraman na nagdadayo pa sa Siyudad san Sorsogon an mga para-oma sa Irosin para lang makapabakal paray sa NFA sa mas huruhalangkaw na presyo. Base sa pahayag ni continue reading : Gobyerno Lokal san Irosin nagtagama lugar para sa NFA

Share